शनिबार कास्की सहित गण्डकी प्रदेशका पाँच जिल्लामा विद्युत सेवा बन्द हुने
पोखरा, २२ फागुन/ शनिबार अर्थात फागुन २२ गते गण्डकी प्रदेशका पाँच जिल्लामा विद्युत सेवा बन्द हुने भएको छ ।
पोखरा र कास्की जिल्ला सहित अन्य पाँच जिल्लामा विद्युत सेवा बन्द हुने प्राधिकरण जनाएको छ ।
बिहान १० बजेदेखि दिउँसो १ बजेसम्म कास्की, पर्वत, बागलुङ, म्याग्दी र मुस्ताङ जिल्लामा विद्युत सेवा बन्द हुने नेपाल विद्युत प्राधिकरणले सुचना जारी गरेर जानकारी दिएको छ ।
विद्युत प्राधिकरणको पोखरा ग्रिड शाखा अन्तर्गत लेखनाथ सब स्टेशनमा १३२ केभी बसबार एक्सटेन्सन कार्यका लागि विद्युत बन्द हुने प्राधिकरणले जनाएको छ ।
निर्धारित समयभन्दा अगावै काम सकिएमा सो समयभन्दा अगाडि नै विद्युत सेवा सुचारू हुने प्राधिकरणले जनाएको छ ।
