PCCI Pokhara 33rd session Narayan Koirala panel

PCCI Pokhara 33rd session Narayan Koirala Panel

no comments

पोखरामा ३४ जना सहित गण्डकीमा थप ८३ जनामा कोरोना संक्रमण, दुई जनाको मृत्यु

पोखरा, २७ भदौ / गण्डकी प्रदेशमा शनिबार थप ८३ जनामा कोरोना संक्रमण पुष्टि भएको छ । पोखरा स्वास्थ्य विज्ञान प्रतिष्ठान, क्षयरोग उपचार केन्द्र पोखराको प्रयोगशालामा भएको परीक्षणमा नलपुरका ४२ जना, कास्की ३४ जना, स्याङजाका ५ जना, गोरखामा १ जनामा कोरोना संक्रमण पुष्टि भएको छ ।

कास्की पोखरा महानगरपालिकामा १९ महिला र १५ जना पुरुष, स्याङजाको वालिङका १ महिला र ४ जना पुरुष, नवलपुरको विनयत्रिवेनी र देवचुलीका १० महिला र ३२ जना पुरुष, गोरखाको आरुघाट १ जना महिलामा कोरोना संक्रमण पुष्टि भएका स्वास्थ्य निर्देशनालय गण्डकीका निर्देशक डा विनोदविन्दु शर्माले जानकारी दिए ।

यो सगँ गण्डकी प्रदेशका संक्रमितको सख्या २ हजार ९ सय ३ पुगेको छ । हालसम्म १ हजार ८ सय ४९ जना निको भइसकेका छन् । शनिबार पोखरामा दुई जनामा कोरोनाका कारण मृत्यु भएको पुष्टि भएको छ । पोखराको फिस्टेल अस्पतालमा शुक्रबार निधन भएकी एक महिलाका शनिबार कोरोना पोजेटिभ देखिएको छ ।

पोखरा ५ मालेपाटनकी ४५ बर्षीय महिलाको कोरोनाका कारण निधन भएको निर्देशक शर्माले जानकारी दिए । उनको फिस्टेल अस्पतालमा राति १ बजेर १५ मिनेट जादाँ मृत्यु भएको थियो । उनको दाहसंस्कार शनिबार विहान गरिएको थियो । दाह संस्कारमा करिब २ जना सहभागी भएका थिए । दाहसंस्कारमा सहभागी भएका सांसद देखी व्यवसायीहरु होम क्वारेन्टिनमा बसेका छन् ।

शनिबार नै पोखरा स्वास्थ्य विज्ञान प्रतिष्ठानको कोभिड १९ उपचार केन्द्रेमा एक जनाको मृत्यु भएको थियो । स्याङजाको पुतलीबजार नगरपालिका वडा नम्बर १ निवासी ८५ बर्षीय पुरुषको विहान उपचारका क्रममा मृत्यु भएको अस्पतालका निर्देशक डा अर्जुन आर्चायले जानकारी दिए ।

भदौ २४ गते कोभिड १९ संक्रमित भई उपचारका लागि अस्पतालको आईसियुमा भर्ना भएका थिए । यो सगँ गण्डकी प्रदेशमा कोरोनाको संक्रमणले मृत्यु हुनेको संख्या २४ पुगेको छ ।

TechSansar.com - Technology Navigator website for Nepalese

Reply