पोखरामा थप ३५ जना सहित ५१ जनामा कोरोना संक्रमण
पोखरा, २७ असोज / गण्डकी प्रदेशमा मंगलबार बिहान र दिऊसो गरी थप ५१ जनामा कोरोना संक्रमण देखिएको छ ।
क्षयरोग उपचार केन्द्र पोखरा र पोखरा स्वास्थ्य प्रतिठान पोखराको प्रयोगशालमा भएको परीक्षणमा कास्कीको पोखरा महानगरपालिकामा ३५ जना, स्याङजा १४ जना र लमजुङ र स्याङजामा २/२ जनामा कोरोना संक्रमण देखिएको हो ।
यो सगँ गण्डकी प्रदेशमा संक्रमितको संख्या ५ हजार २२ पुगेको छ । पोखरामा मणिपाल अस्पतालमा १ जना, पश्चिमाञ्चल क्षेत्रिय अस्पतालमा १ जना, चरक अस्पतालमा १ जना र गण्डकी मेडिकल कलेजमा ५ जना उपचारमा रहेका विरामीलाई देखिएको स्वास्थ्य निर्देशनालय गण्डकीका निर्देशक डा विनोदविन्दु शर्माले जानकारी दिए ।
त्यसै गरी पोखरा ७ मा बस्ने एक जना पत्रकारमा पनि कोरोना संक्रमण पुष्टि भएको उनले जानकारी दिए । गण्डकी प्रदेशमा अहिले सम्म ३ हजार ३ सय १९ जना निको भएर घर फर्किएका छन् भने ४० जनाको मृत्यु भएको छ ।
