कास्कीमा गुडिरहेको एम्बुलेन्समाथि पहिरो खस्यो, बिरामीको मृत्यु
पोखरा, १७ असार/ कास्कीको मादी गाउँपालिकामा बिरामी बोकेको एम्बुलेन्समाथि बाढी र पहिरो खस्दा बिरामीको मृत्यु भएको छ ।
मादी गाउँपालिका–९ मुग्रीबेंसीबाट बिरामी लिएर थुम्सीकोटतर्फ जाँदै गरेको एम्बुलेन्समाथि बाढी पहिरो खस्दा एम्बुलेन्समा सवार बिरामी ८३ वर्षीय गोमा अधिकारीको मृत्यु भएको प्रहरीले जानकारी दिएको छ ।
दुर्घटनामा एम्बुलेन्स चालक सुवास अधिकारी घाइते भएका छन् । खहरे खोलामा एक्कासी लेदोसहितको बाढी आएर एम्बुलेन्समाथि परेको हो ।
चालकले भागेर ज्यान जोगाएका थिए । घाइते अधिकारीलाई थप उपचारका लागि पोखरा ल्याइएको छ ।
