पोखरामा थप १६ जना सहित गण्डकी प्रदेशमा २४ जनामा कोरोना संक्रमण
पोखरा, ६ भदौ / गण्डकी प्रदेशमा थप ११ जनामा कोरोना संक्रमित पुष्टि भएका छन् । कास्की १६ नवलपुरमा ३, तनहुँ र स्याङजाका २/२ जना, बागलुङका १ जनामा कोरोना संक्रमण देखिएको स्वास्थ्य निर्देशनाल गण्डकी निर्देशक डा विनोदविन्दु शर्माले जानकारी दिए ।
प्रदेश क्षयरोग केन्द्र पोखरा, पोखरा स्वास्थ्य विज्ञान प्रतिष्ठान र राष्ट्रिय जनस्वास्थ्य प्रयोगशाला काठमाडौमा भएको परीक्षणमा २४ जनामा कोरोना भाइरस संक्रमण पुष्टि भएको हो । यो सगँ गण्डकी प्रदेशमा १ हजार ८ सय ६८ जनामा कोरोना संक्रमित पुगेका छन् ।
कास्कीको पोखरा महानगरपालिका वडा नम्बर ९ का २ जना महिला र १ पुरुष, वडा नम्बर ४ का ३ जना पुरुष, ५ का १ पुरुष, ६ का २ पुरुष, ८ का ३ महिला र एक १६ बर्षिय बालक, वडा नम्बर १६ का १ पुरुष, २७ मा १ जना पुरुष र ३० मा १ महिलामा देखिएको शर्माले जानकारी दिए ।
त्यसै गरी बागलुङका १ जना पुरुष, तनहुँ भिमादका १ जना पुरुष, आबुँखैरेनीका १ जनामा पुरुषमा, स्याङजाको वालिङ, फेदीखोलाका १/१ जना पुरुषमा, नवलपुरको देवचुलीका २ जना पुरुष, कावासोतीका १ जना पुरुषमा शनिबार बिहान कोरोना पुष्टि भएको हो ।
गण्डकी प्रदेशमा अहिले सम्म १ हजार ५ सय ९२ जना निको भएर घर फर्किएका छन् । अहिले सम्म ७ जनाको मृत्यु भएको छ । गण्डकी प्रदेशका ९ जिल्लाका अस्पतालका आइसोलेसनमा २ सय ६९ जना रहेका छन् ।
