no comments

बाराही स्कुल खेल मैदानमा भलिबल कोर्ट तथा चेन्जिङ रुमको उद्घाटन

पोखरा, १ बैशाख/ पोखरा महानगपालिकामा अवस्थित बाराही स्कुल खेल मैदानमा निर्माण भएको भलिवल कोर्ट तथा पुरुष महिलाको चेन्जिङ रुम बुधबार नयाँ वर्षको अवसरमा एक कार्यक्रम बिच उद्घाटन गरिएको छ । अभियान युवा क्लवको समन्वय तथा बाराही मावि, वडा कार्यालय, महानगरपालिका र खेलकुद मन्त्रालयको सहयोगमा निर्मित कोर्ट तथा चेन्जिङ रुम उद्घाटन गरिएको हो ।

उद्घाटन गर्दै पोखरा महानगरपालिकाका प्रवक्ता तथा वडा ५ का वडाध्यक्ष धन बहादुर नेपालीले बाराही खेल मैदानलाई इनडोर स्टेडियम बनाउनका लागि पहल भैरहेको र यो बनाउन सकिएमा पोखरा ५ मा खेलकुद क्षेत्रको ठुलो विकास हुने विश्वास व्यक्त गरे ।

साथै वडा ५ लाई शिक्षा र खेलकुद क्षेत्रमा विभिन्न विकासका कार्यक्रम अगाडी बढाइरहेको समेत उनले जानकारी दिए । अझ व्यवस्थित गरिमैदानलाई राष्ट्रिय स्तरकै खेल खेलाउन मिल्ने स्टेडियम बनाइने प्रतिवद्धता प्रवक्ता नेपालीले व्यक्त गरे ।

त्यस्तै जिल्ला खेलकुद विकास समिति कास्कीका कार्यालय प्रमुख प्रकाश बरालले धेरै प्रयासका बाबजुत बाराही खेल मैदानले विकासको रुप लिन थालेको बताए । साथै विकासकै लागि राजनिती गरिनुपर्ने उनको भनाई थियो । त्यसैगरि बाराही मावि विद्यालय व्यवस्थापन समितिका अध्यक्ष विष्णु बरालले बाराही खेल मैदानलाई नमुना स्टेडियम बनाउनुपर्नेमा जोड दिए ।

यता अभियान क्लवका अध्यक्ष मोहन बहादुर केसीले चार चरणमा गरि भलिवल कोर्ट र चेन्जिङ रुम बनाउन सफल भइएको जानकारी दिए । अव उपयोग र संरक्षणको विषयमा वडा र विद्यालय लाग्नुपर्ने उनको भनाई थियो ।
उद्घाटन कार्यक्रममा सहयोग गर्ने विभिन्न व्यक्ति तथा संघ संस्थालाई सम्मान पत्र प्रदान गरिएको थियो । साथै कार्यक्रम पश्चात क्लबका पदाधिकारी र बाराही माविका शिक्षकहरुको मैत्रीपूर्ण खेल समेत भएको थियो ।

TechSansar.com - Technology Navigator website for Nepalese

Reply