गण्डकी प्रदेश मन्त्रीमण्डल विस्तार, को को बने मन्त्री ?
पोखरा, ८ साउन/ गण्डकीका मुख्यमन्त्री कृष्णचन्द्र नेपाली पोखरेलले थप ६ जना मन्त्री नियुक्त गर्दै ११ मन्त्रालयले पूर्णता पाएको छ ।
नयाँ जिमेवारीमा नेपाली कांग्रेसका कुमार खड्काले भौतिक पूर्वाधार, सहरी विकास तथा यातायात मन्त्री, विन्दुकुमार थापा आन्तरिक मामिला तथा कानुन मन्त्री, मेखलाल श्रेष्ठ शिक्षा, संस्कृति, विज्ञान तथा सामाजिक विकास मन्त्री र मणिभद्र शर्मा पर्यटन, उद्योग, वाणिज्य तथा आपूर्ति मन्त्रीमा सपथ लिएका छन् ।
यस्तै माओवादी केन्द्रबाट रामजी बरालले अर्थ मन्त्रालय, चन्द्रबहादुर बुढाले भूमि व्यवस्था, कृषि, सहकारी तथा गरिबी निवारण मन्त्रालय र दीपक चर्ती मगरले वन, वातावरण तथा भू–संक्षण मन्त्रालयमा सपथ लिए ।
माओवादीबाट मधुमाया अधिकारी यसअघि नै मन्त्री बनेकी छिन् । उनले स्वास्थ्य तथा जनसंख्या मन्त्रीको जिम्मेवारी पाएकी छिन् । जसपाबाट हरिशरण आचार्य ऊर्जा, जलस्रोत तथा खानेपानी मन्त्री, स्वतन्त्र सांसद राजीव गुरुङ (दीपक मनाङे) युवा तथा खेलकुद मन्त्री छन् ।
नवनियुक्त मन्त्रीहरलाई उनीहरुलाई गण्डकी प्रदेश प्रमुख सीता कुमारी पौडेलले सपथ गराएकी छन् ।
