PCCI Pokhara 33rd session Narayan Koirala panel

PCCI Pokhara 33rd session Narayan Koirala Panel

no comments

स्याङ्जामा वडा अध्यक्षले आफ्नै घर नजिक स्वास्थ्य चौकी सार्न खोजेपछि रिट

पोखरा, २१ पुस / स्याङ्जामा स्वास्थ्य चौकी सार्न लागेको विषयलाई लिएर विवाद उत्पन्न भएको छ । साविक जगत्रदेवी गाविस वडा नं. ४ (हाल गल्याङ नगरपालिका वडा नं.२ बलाम, पिपलभञ्ज्याङ) मा रहेको स्वास्थ्य चौकी वडा नं. २ बलाम गुठीमा सार्ने निर्णयपछि विवाद उत्पन्न भएको हो ।

सोको विरुद्ध गल्याङ २ निवासी बालप्रसाद श्रेष्ठले गल्याङ नगरपालिका कार्यालयसमेतलाई विपक्षी बनाई उच्च अदालत पोखरामा उत्प्रेषण परमादेश लगायत अन्य उपयुक्त आदेश जारी गरी पाउँ भनी मंगलबार रिट दायर गरिएको छ ।

२०५२ सालमा जगत्रदेवी स्वास्थ्य चौकी स्थापना भइ हालसम्म सोही ठाउँमा अनवरतरुपमा स्वास्थ्य चौकी संचालन भइरहेकोमा २०७२ सालको विनासकारी भूकम्पले भत्काएपछि पुनःनिर्माणका लागि २ करोड विनियोजन भएकोमा सोहीअनुरुप काम हुन सकेको थिएन । पुरानै भवनबाट सेवा प्रवाह हुँदैआएको थियो ।

यसैबीच, स्वास्थ्य संस्था पुनःनिर्माणको लागि संघीय सरकारले आव २०७७/०७८ मा साढे ३ करोड रुपैयाँ विनियोजन गरेको र पुरानै स्थानमा नयाँ भवन बनाउनुपर्नेमा गल्याङ नगरपालिकाले सो ठाउँ उपयुक्त नभएको भन्दै अन्यत्र सार्न खोजेपछि विवाद उत्पन्न भएको हो ।

हाल स्वास्थ्य चौकी रहेको ठाउँमा स्थानीयहरुले विगतमा झैं यसपालि पनि ७ रोपनी ८ आना जग्गा दिने अस्पतालका लागि दिने प्रतिबद्धता जनाइसकेका थिए । तर नगरपालिकाका प्रमुख र वडा अध्यक्षले अन्यत्र सार्नका लागि सूचना प्रकाशित गरिसकेपछि स्थानीयले पहिलेकै स्थानमा १० शैयाको स्वास्थ्य चौकी स्तरोन्नति गरिनुपर्ने भन्दै अदालतको ढोकासम्म पुगेका हुन् ।

रिटमा गत पुस २ मा विपक्षीबाट स्वास्थ्य चौकी गल्याङ २ बाट बलाम गुठीमा सार्ने भन्ने विपक्षीको निर्णय उत्प्रेषणको आदेशद्धारा बदर गरी सार्वजनिक सरोकारको विषय सम्बोधन हुने गरी साविक स्थानमा नै स्वास्थ्य चौकी भवन निर्माण गर्न विपक्षीको नाउँमा परमादेशको आदेश जारी गर्न माग गरिएको छ ।

यसबारेमा जिज्ञासा राख्दा नगरपालिकाका प्रमुख भूपराज अधिकारीले सो ठाउँ भिरालो भएकोले नजिकै सार्न खोजिएको दाबी गरे । उनले भने, यो हल्लामा आएजस्तो कुरा होइन, सहमतिकै आधारमा अघि बढिइसकेको हो ।

स्थानीयहरुले २०५२ सालमै स्वास्थ्य चौकी निर्माणका लागि ३ रोपनी जग्गा दान गरेका थिए । हाल संचालित स्वास्थ्य चौकी गाउँको बीचभागमा पर्ने बालप्रसाद श्रेष्ठले बताए । उनले भने, विगतमा यहीँ ठाउँ सेन्टर भयो, अहिले कुरो मिलेपछि यो ठाउँ कुनो भयो ?

TechSansar.com - Technology Navigator website for Nepalese

Reply