पोखरा, २८ साउन / पोखरा महानगरपालिका वडा नम्बर २७ मा कार्यरत कर्मचारी सहित पोखरामा थप ३ जनामा कोरोना संक्रमण पुष्टी भएको छ ।
तीन जना संक्रमित मध्ये एक जना पोखरा महानगरपालिका वडा नम्बर २७ का कर्मचारी, एक जना बैंकमा काम गर्ने कमचारीकी श्रीमती र एक जना वर्कशपमा कार्यरत रहेको पोखरा महानगरपालिका स्वास्थ्य महाशाखाले जानकारी दिएको छ ।
वडा कार्यालयमा कार्यरत कर्मचारी धेरै सगँ भेट भएका व्यक्ति भएका कारण धेरै जना होमक्वारन्टिनमा बस्नु पर्ने बताए । बुधबार पोखरामा यो सगँ ५ जनामा कोरोना संक्रमण देखिएको छ ।
गण्डकी प्रदेशको नवलपुरको कावासोतीमा २ जना, तनहुँका १ जनामा कोरोना संक्रमण पुष्टि भएको स्वास्थ्य निर्देशनालय गण्डकीका निर्देशक डा विनोदविन्दु शर्माले जानकारी दिए ।
गण्डकी प्रदेशमा अहिले सम्म १ हजार ६ हजार ५६ जनामा कोरोना संक्रमण देखिएको छ । कास्कीमा अहिले सम्म १ सय ९५ जनामा कोरोना संक्रमण पुष्टि भएको छ भने १ सय ३४ जना निको भएर घर फर्किसकेका छन् । ६० जना आइसोलेसनमा छन् भने १ जनाको मृत्यु भएको छ ।